English Culture Week

Se o curso pasado adicabamos unha semana cultural á Xapón, neste viaxamos á Inglaterra coa colaboración das chicas do departamento de Inglés. Aquí tedes o programa de actividades: 

Encontro do club de lectura de 4º de ESO con Emma Pedreira e Carlos Lago

 

O pasado xoves, no club de lectura de 4º de ESO, celebramos unha tertulia moi especial na que contamos coa presenza de Emma Pedreira e Carlos Lago (lembrade que é o noso Juanca, profe de Plástica!), os autores desa xoia que acabamos de desfrutar, A parte dos anxos, un marabilloso artefacto de letras e debuxos. Puidemos facerlles todo tipo de preguntas  sobre a súa particular colección de nenos defuntos, e tivemos a oportunidade de ver os magníficos orixinais dos debuxos de Juanca. Deixámosvos algunhas fotos do encontro, con Emma recortando distancias grazas as novas tecnoloxías e con Juanca presente en carne e óso. Graciñas a ambos por compartir con nós a vosa arte e regalarnos este valioso ratiño para charlar sobre a vosa obra!

Visita á Feira do Libro

 

Chegou a Feira do Libro a Porriño, e o noso club de lectura non quería perder a ocasión de facer unha visita e adquirir algúns exemplares para completar a nosa biblioteca. Cada lector e lectora encargouse de atopar un libro que non figurase no catálogo e que fose do seu interés. Marchamos de alí ben aprovisionados de cultura despois de indagar en postos de librerías do noso Concello (Copirey, Paz e Recondo), que nos recibiron coa súa habitual amabilidade.

Derradeiras reunións do clube de lectura de 1º ciclo

Xa rematamos George, e na nosa tertulia intercambiamos impresións sobre esta emotiva novela que nos axuda a comprender as dificultades dunha rapaza atrapada en corpo de rapaz. Os nosos lectores/as amosáronse conscientes dos problemas que se lle pode presentar a alguén con esa condición no insti, pero tamén teñen moi claro que eles formarán sempre parte da solución.

A continuación, repartímonos por cuestións prácticas en dous grupos.
Un grupo leu O neno do pixama de raias, de John Boyne, e adentrouse no duro mundo do Holocausto nazi dende a inocente mirada de Bruno, un neno de 9 anos. A verdade é que os nosos lectores/as xa coñecían bastantes cousas relacionadas coa II Guerra Mundial e o horror nazi, pero este libro fíxolles aproximarse máis esa época e sobre todo a sentir a súa dureza dende a distancia e a imaxinación. Dentro desta tristeza, tamén sacamos un pouco de tempo para relaxarnos cun breakout.

O outro grupo adentrouse na historia de Isabel Zendal e a súa participación na primeira campaña de vacinación da historia, a comezos do século XIX, para combater a variola. A verdade é que as nosas lectoras quedaron impresionadas con este episodio da historia e coa forma en que o reflicte María Solar na súa obra. Puxéronse na pel dos nenos orfos que embarcaron para levar a vacina nos seus corpos e máis dunha confesou que se estiveran nesa situación farían o posible para quedar en terra.

Para endulzar un pouco a tertulia degustamos un pouco de biscoito. E noutra sesión, enfrontáronse a unha proba máis por equipos para sumar puntos nesa liguilla que está tan reñida. Xa imos entrando na recta final!

E agora toca intercambiar libros! Os que leron O neno do pixama de raias lerán Os nenos da varíola, e viceversa. Ollo, prohibido facer spoilers!

Sonia Mirón no centro

O pasado venres o alumnado de 2º de ESO puido desfrutar dun encontro coa escritora Sonia Mirón, autora de Un sol dentro de mí, un dos libros que máis éxito está a ter neste nivel propiciado polo Departamento de Lingua Castelá. Sonia Mirón falou, entre outras cousas, do seu proceso de escritura e afondou nun dos temas principais que aborda na súa obra, o acoso escolar, así como no efecto que tivo o seu libro en rapaces e rapazas que o leron. Rematou a sesión cunha interesante rolda de preguntas do noso alumnado e, por suposto, coa firma de libros. Grazas, Sonia, por este estupendo encontro literario!

Texto e fotografías: David Pérez

Clube de lectura de 4°ESO: próximas lecturas

Facemos reconto das lecturas que gozamos ata o de agora no noso club de lectura de 4º de ESO.

Lemos a novela Mentira, de Care Santos, e con ela, ademais de gozar dunha problemática historia de amor entre unha moza e un mozo pertencentes a mundos opostos, comprobamos o enganosas que poden chegar a ser as redes sociais. Ademais, esta novela levounos a falar dun

clásico da narrativa estadounidense, O gardián entre o centeo, de JD Salinger, e unha das nosas lectoras devorouna! Aquí podedes ver unha foto do breakout que resolveron por equipos os nosos lectores/as para ir sumando puntos na súa competición.

A seguinte lectura foi O curioso incidente do can á medianoite, de Mark Haddon, un exitazo internacional que nos permitiu entender mellor que é o Trastorno do Espectro Autista grazas ao seu protagonista, Cristopher, un peculiar detective e un auténtico xenio das matemáticas. De feito, nunha das probas que debían superar os equipos do club de lectura había un enigma matemático. A ver quen o descobre: “Como podemos facer que catro noves dean como

resultado cen?”.

E agora imos a polo noso terceiro libro, A parte dos anxos, unha colección de microrrelatos de Emma Pedreira ilustrado por Carlos Lago… Carlos Lago? Sóavos? É o que ten contar cun artista no insti! Si, é o profe, o noso Juanca! Así que teremos o privilexio de contar con el na nosa tertulia

para afondar neste libro á vez fermoso e lúgubre, escuro e lírico, de debuxos e palabras inquedantes que nos acercan cun sorriso doloroso pero terapéutico á traxedia das mortes prematuras, vidas cercenadas na más tenra infancia.

Texto: David

Sigo aquí

A Maggie O'Farrell la descubrimos en la biblioteca con Hamnet, la historia ficcionada sobre la vida de la esposa del dramaturgo inglés William Shakespeare. 

I am, I am, I am, que es el  título original de este libro, fue publicado anteriormente y en él la escritora recurre a su propia vida para revisitar todas aquellas ocasiones en las que estuvo próxima a la muerte: una encefalitis durante la infancia, encuentros con delincuentes, partos, saltos al vacío, infecciones...una larga lista que resulta increíble pueda concentrarse en el periplo vital de una única persona. Diecisiete episodios a lo  largo de los cuales Maggie O'Farrell parece quitarle hierro a la solemnidad de la muerte hasta que llega al último capítulo que comienza con una carrera vertiginosa por la campiña italiana: perdidos, sin cobertura, buscando desesperadamente atención médica para su hija que sufre anafilaxis y a la que parece esperar el peor pronóstico.

Decía el cantante Coque Malla en un documental de Netflix que cuando uno tiene hijos, los miedos cambian de sitio y con esta idea coincide, sin saberlo, nuestra autora:

Esta despreocupación se terminó en el momento en que tuve hijos, porque de pronto empecé a temer que seguir cuadrándome con provocaciones ante la muerte podía volverse en mi contra (...)Cuando engendramos una vida nos abrimos al peligro, al miedo. Al coger a mi hijo en brazos me daba cuenta de los vulnerable que era yo a la muerte: fue la primera vez que eso me asustó. Sabía demasiado bien lo fina que es la membrana que nos separa de ese lugar y la facilidad con la que puede perforarse. 

Un libro con una edición preciosa de Libros del Asteroide para leer con calma y repensarnos nuestra existencia.